Hindi kailangan hingin ng Pilipinas ang permiso ng China para makapaglayag sa Ayungin Shoal.
Reaksyon ito ni National Security Adviser Eduardo Año, kasabay ng pagsasabing “absurd, nonsense at unacceptable” ang statement ng Chinese Foreign Ministry na kailangang mag-abiso muna ang Pilipinas sa China para makapasok sa Ayungin.
Binigyang diin ni Año ang commitment ng pamahalaan na pagtitibayin ang sovereign rights at jurisdiction sa Ayungin Shoal, pati na sa Philippine Exclusive Economic Zone, alinsunod sa International Law at 2016 Arbitral Award.
Noong Biyernes ay inihayag ng Chinese Foreign Ministry na papayagan nila ang Pilipinas na magpadala ng supplies sa BRP Sierra Madre kung mag-a-abiso nang maaga sa Beijing.
