NAKABALIK ang Pilipinas sa ASEAN championship semifinals.
Ito’y matapos talunin ng Philippine Men’s National Football Team ang Indonesia, sa score na 1-0, sa harap ng Indonesian crowd sa Manahan Stadium sa Surakarta.
Naipasok ni Bjorn Kristensen ang nag-iisang goal sa 63rd minute ng match.
Labing isang minuto ang nadadag sa laro subalit pinanindigan ng Pilipinas ang pag-angkin sa unang panalo ng pambansang koponan sa torneyo.
Sapat na ang nag-iisang goal ni Kristensen para sa Pilipinas para makuha ang 3 points at pumangalawa sunod sa Group B leader na Vietnam, na mayroong 3-1-0 record sa ASEAN Mitsubishi Electric cup.
Huling nakapasok ang Pilipinas sa ASEAN Championship Semis noong 2018.
