7 February 2025
Calbayog City
Local

Philippine Army, nagluluksa sa pagpanaw ng sundalo sa gitna ng pagtupad sa tungkulin, sa Paranas, Samar

NAGLULUKSA ang Philippine Army sa pagpanaw ng isang sundalo na bahagi ng military operations laban sa mga rebelde sa gitna ng pananalasa ng Bagyong Kristine sa Paranas, Samar.

Narekober ng mg sundalo ang katawan ng kanilang kabaro na si Private Boyet Bugtong, isang araw matapos itong tangayin ng baha sa Barangay Anagasi.

Sinabi ni 8th Infantry Division Spokesperson, Capt. Jefferson Mariano, na nalagasan sila ng tropa habang tumutupad sa tungkulin.

Kabilang si Bugtong sa mga sundalong idineploy sa lugar kung saan tinututukan ang military operations, kasunod ng napaulat na presensya ng mga rebelde.

Gayunman, sa kasagsagan ng bagyo, tumulong ang mga sundalo sa residente na naapektuhan ng pagbaha.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).