NAPILI ang latest film ni Award-Winning Director Brillante Mendoza na “Motherland” para lumaban sa prestihiyosong Jiseok Competition Section sa 2024 Busan International Film Festival (BIFF).
Ang naturang festival na isa sa pinakamahalagang film events sa Asia, ay gaganapin sa Oct. 1 hanggang 11.
Ang “Motherland” ay tungkol sa mamasapano massacre, na madugong engkwentro na nangyari noong January 25, 2015, sa police operation ng Special Action Force sa bayan ng Tukanalipao.
Impresibo ang cast ng pelikula na kinabibilangan nina Rocco Nacino, Cesar Montano, Ricky Davao, Gina Alajar, Marvin Agustin, Epy Quizon, Mon Confiado, Joem Bascon, Christian Vasquez, Kiko Matos, at Jomari Angeles.
