ISANG pedicab driver ang nasawi sa nangyaring pamamaril sa kahabaan ng national highway sa Brgy. 8, sa bayan ng Pambujan, sa Northern Samar.
Sa inisyal na pagsisiyasat ng mga awtoridad, pauwi na umano ang trenta’y siyete anyos na biktima mula sa pakikipag-inuman sa bahay ng kapatid nito sa Sitio Bulod, Brgy. Camparanga, nang makasalubong ang lalaking nakamotorsiklo.
Sa hindi malinaw na dahilan, sinampal ng biktima ang rider ng motorsiklo na gumanti naman sa pamamagitan ng pagbaril sa ulo ng pedicab driver.
Patuloy naman ang imbestigasyon ng pulisya upang mahuli ang salarin.
