PCG, nagpadala ng sasakyang panghimpapawid para bantayan ang research vessel ng China malapit sa Batanes

NAGPADALA ang Philippine Coast Guard (PCG) ng aircraft para bantayan at tapatan ang isang Chinese research vessel malapit sa Itbayat, Batanes.

Ayon kay PCG Spokesperson for West Philippine Sea, Commodore Jay Tarriela, naispatan ang Zhong Shan Da Xue 78.21 nautical miles northeast ng Itbayat.

Ilang ulit niradyuhan ng crew ng PCG islander ang barko ng Tsina subalit wala silang natanggap na tugon.