DOBLE-kayod ang Department of Transportation (DOTr) para maabot ang target ni Pangulong Ferdinand Marcos Jr. na maging Partially Operational ang Metro Manila Subway Project sa pagtatapos ng termino nito sa 2028.
Ayon kay DOTr Secretary Vince Dizon, sa 2032 ang kanilang target para sa buong linya ng Subway.
Gayunman, nais aniya nilang matapos ang kahit dalawa o tatlong istasyon pagsapit ng 2028, na magsisimula sa Valenzuela, Quirino, at sana ay umabot hanggang North.
Ang Metro Manila Subway ay may kabuuang labimpitong istasyon at isang 30.34-Hectare Depot kung saan matatagpuan ang Philippine Railway Institute.
