MATAPOS ang mahigit tatlong dekada, pumili si Barangay Ginebra Coach Tim Cone ng panibagong Abarrientos.
1993 nang nang piliin ni Cone sa ilalim ng Alaska Milkmen ang legendary na si Johnny Abarrientos bilang third overall sa draft ng PBA.
Ngayon naman ay napabilang ang pamangkin ni Johnny na si RJ sa Gin Kings sa kaparehong pick para sa 2024 PBA Draft.
Dahil dito, naalala ni Cone nang piliin nila ang “The Flying A” noong 1993 para sa third pick, makaraang hindi nila nakuha si Victor Pablo sa second pick.
Tinawag ng winningest coach na “poetic” ang kwento ng mag-tiyuhing Abarrientos.
Hindi nakadalo si RJ sa draft dahil naglalaro ito para sa strong group Athletics-Pilipinas sa William Jones Cup, kaya si Johnny ang nag-represent sa kanyang pamangkin.
