Tiniyak ni pangulong Ferdinand “Bongbong” Marcos Jr. na walang Pilipino na maiiwan at magugutom sa “Bagong Pilipinas.”
Sa talumpati sa Ceremonial Palay harvesting at distribution ng ibat ibang ayuda sa mga magsasaka sa Candaba, Pampanga, sinabi ni pangulong Marcos na ito ay dahil mayroon nang modernong kagamitan at sapat na ayuda sa pamahalaan ang mga nasa sektor ng agrikultura.
Sabi ni pangulong Marcos, malaking tulong din ang kooperasyon ng bawat isa para lalong gumanda ang lagay ng Pilipinas.
Para masiguro na magiging masagana ang ani ng mga magsasaka, sinabi ni pangulong Marcos na palalakasin pa ang pundasyon nito.
Nasa labindalawang libong na magsasaka, sampung kooperatiba at asosasyon ang binigyan ni pangulong Marcos ng hauling trucks, seeds, financial assistance at iba pang tulong.
Sinaluduhan ni pangulong Marcos sa dedikasyon ang mga magsasaka.
