PINAGTIBAY ni Pangulong Ferdinand Marcos Jr. Ang matatag na relasyon ng Pilipinas at Asian Development Bank (ADB) na inilarawan niya bilang “most important partner” sa pangangalaga sa Economic Development.
Sa courtesy call ng bagong halal na ADB president na si Masato Kanda sa Palasyo, binigyang diin ni Pangulong Marcos ang mahalagang papel ng institusyon sa pag-unlad ng Pilipinas, na nagsimula pa sa administrasyon ng kanyang ama na si yumaong Pangulong Ferdinand Marcos Sr.
Binigyang diin ng punong ehekutibo ang makasaysayang pagkakatatag ng ADB sa bansa noong Dec. 19, 1966, kung saan tatlumput isa pa lamang ang miyembro nito.
Sa ngayon ay mayroon na itong animnapu’t siyam na mga miyembro, kabilang ang apatnapu’t siyam na naka-base sa Asya, at nagpapatuloy ang paglawak nito at impluwensya.
Isa ang ADB sa top sources ng Pilipinas sa Official Development Assistance (ODA), na nagpopondo sa malalaking infrastructure projects at iba’t ibang programa ng gobyerno.
