Pangulong Marcos, pinangunahan ang pamamahagi ng mga ambulansya para sa Eastern Visayas

PINANGUNAHAN ni Pangulong Ferdinand “Bongbong” marcos Jr. ang pamamahagi ng Patient Transport Vehicles ng Philippine Charity Sweepstakes Office (PCSO) para sa Eastern Visayas sa Ormoc City, sa Leyte.

Kabuuang 124 na mga ambulansya ang ipinamahagi sa iba’t ibang mga munisipalidad at siyudad sa Region 8, partikular sa Biliran, Eastern Samar, Northern Samar, Samar, Southern Leyte, at Leyte.

Sinabi ni Pangulong Marcos na tatlo sa bawat apat na Local Government Units (LGUs) sa buong bansa ang pinagkalooban ng ambulansya, at madaragdagan pa ang mga ito, bilang bahagi ng hakbang ng pamahalaan na palakasin ang Emergency Healthcare System sa Pilipinas.

Ayon sa pangulo, ang Rollout ay bahagi ng Commitment ng kanyang administrasyon upang matiyak na bawat lalawigan, siyudad, at munisipalidad, ay mayroong access sa Emergency Medical Transport.