Pumanaw na sa edad na 76 si Palawan 3rd Dist. Cong. Edward Hagedorn.
Sa official Facebook page ng kongresista, ibinahagi ang pahayag ng kaniyang pamilya.
Ayon sa statement, pumanaw si Hagedorn ngayong araw, Oct. 3.
Hindi naman binanggit sa pahayag kung ano ang dahilan ng pagpanaw ng mambabatas.
Nakasaad din na muling maglalabas ng pahayag kaugnay sa magiging public service arrangements para kay Hagedorn.
Si Hagedorn ay matagal na naging alkalde ng Puerto Princesa City.
Naging modelo ng eco-tourism ng bansa ang lungsod at naging tanyag na tourist destinations sa ilalim ng kaniyang pamamahala.
