Pansamantalang sinuspinde ng Department of Agriculture ang pagpasok ng karneng baboy mula sa Sweden makaraang iulat ng European Country ang outbreak ng African Swine Fever (ASF).
Sakop ng temporary importation ban ang domestic at wild pigs at mga produkto nito, kabilang ang pork meat, pork skin at semen.
Agad ipinatigil ng DA ang processing, evaluation ng application at issuance ng sanitary at phytosanitary import clearance. Kasabay nito ay binawi naman ng ahensya ang temporary ban sa importasyon ng poultry mula sa Chile at Turkey, makaraang maresolba na ng dalawang bansa ang lahat kanilang kaso ng bird flu o avian influenza.
