Pacquiao–Barrios tabla ang laban, comeback ni Pac-Man bitin pero matatag

Nagbalik sa boxing ring ang Pambansang Kamao na si Manny “Pac-Man” Pacquiao matapos ang mahigit apat na taong pahinga, laban sa mas batang si Mario “El Azteca” Barrios para sa WBC welterweight championship sa MGM Grand Garden Arena sa Las Vegas ngayong araw. Natapos ang laban sa tabla o majority draw, bagay na ikinabigla ng maraming tagahanga.

Isang judge ang nagbigay ng 115–113 points pabor kay Barrios, habang dalawa ang nagtala ng tabla sa 114–114. Para sa maraming nanood at boxing analysts, panalo si Pacquiao dahil sa kanyang agresibong istilo at malinis na suntok lalo na sa gitnang bahagi ng laban. Tinawag pa ng iba na “daya” ang naging desisyon at umani ito ng batikos mula sa fans sa buong mundo.