SISIMULAN na sa susunod na linggo ang pamamahagi ng fuel subsidy sa mga driver ng mga pampublikong sasakyan na apektado ng pagtaas ng presyo ng produktong petrolyo.
Ayon kay Executive Secretary Ralph Recto, utos ni Pangulong Ferdinand Marcos, Jr. na agad ipamahagi ang five thousand pesos na halaga ng fuel subsidy.
Para sa agarang implementasyon, pinulong ni Recto ang Metro Manila mayors upang plantsahin ang mabilis at maayos na pamamahagi ng tulong.
Ani Recto, sa susunod na linggo ay pangungunahan na ng Department of Social Welfare and Development at ng Department of Transportation ang distribusyon ng subsidiya sa Metro Manila, na susundan sa iba pang bahagi ng bansa.
Samantala, kinumpirma ng Department of Transportation na kasado na ang pagpapatupad ng taas-pasahe sa mga pampublikong sasakyan.
