Mga tsuper at commuter sa Leyte, nagpakita ng katatagan sa kabila ng tumataas na presyo ng langis

SA gitna ng tumataas na presyo ng langis, nagpakita pa rin ng katatagan ang mga tsuper at mga commuter sa Leyte sa kanilang pang-araw-araw na buhay.

Para sa maraming public utility vehicle drivers, malaki ang nabawas sa anila ay kakarampot na nga lang nilang kita dahil sa pagsirit ng presyo ng produktong petrolyo.

Upang makaagapay, ilan sa mga tsuper ay nagbawas na lamang ng biyahe, nilimitahan ang kanilang operasyon at binago ang kanilang daily routines para kahit paano ay pumantay ang kanilang kita sa kanilang ginastos sa gasolina.