NAG-uwi ang two-time Olympian na si Elreen Ando ng tatlong silver medals sa Asian Weightlifting Championships sa Zhejiang, China.
Si Ando na unang lumahok sa 2021 Tokyo at 2024 Paris Games, ay nakapagbuhat ng 102 kilograms sa Snatch at 130 kilograms sa Clean and Jerk para sa kabuuang 232 kilograms, upang makamit ang tatlong silvers sa Women’s 64-Kilogram Division.
Mahigpit na nakalaban ng Southeast Asian Games Gold Winner mula sa Cebu si Li Shuang ng China subalit na-sweep nito ang tatlong ginto dahil sa kabuuang lift na 239 kilograms mula sa 105 kilograms sa Snatch at 134 kilograms sa Clean and Jerk.
Nasungkit naman ng Korean na si Mun Minhee ang bronze sa pamamagitan ng 94-kilogram Snatch at 120-kilogram Clean and Jerk para sa total lift na 214 kilograms.
