OCD Eastern Visayas, nagbabala sa grass fires

NAGBABALA ang Office of Civil Defense (OCD) sa Eastern Visayas na delikado sa sunog ang mga grasslands dahil sa matagal na dry conditions.

Sinabi ni OCD Regional Director Joel Erestain na iwasan ang mga gawain na maaaring magpasiklab ng sunog, gaya ng basta-bastang pagtatapos ng upos ng sigarilyo sa mga lugar na may tuyong pananim.

Aniya, mabilis na sumiklab at kumalat ang apoy, gaya ng nangyari sa Homonhon Island, Guiuan, Eastern Samar noong nakaraang linggo.

Ipinaliwanag ni Erestain na mainit at tuyo kapag El Niño, kaya mabilis sumiklab ang apoy, lalo na sa mga lugar na nababalutan ng dry cogon grass.