Nasa Russia na si North Korean Leader Kim Jong Un.
Sa mga lawaran na inilabas ng KCNA State Media, lulan si Kim ng armoured train at bumaba sa Khasan Station, na main rail gateway patungo sa Russia mula sa North Korea.
Ayon kay Kremlin Spokesman Dmitry Peskov, isang full-scale visit ang pagbiyahe ng North Korean Leader sa Russia upang makipagkita kay President Vladimir Putin.
Una nang sinabi ng United States Officials na posibleng pag-usapan ng dalawang pinuno ang pagbebenta at pagsusuplay ng Pyongyang ng mga armas sa Kremlin na maaaring gamitin sa giyera kontra Ukraine.
