North Korea, nagpadala ng 250 bagong missile launchers patungong South Korean border

IBINIDA ng North Korea na naglunsad ito ng 250 new tactical ballistic missile launchers sa border nila ng South Korea, sa pinakabagong deklarasyon ng kanilang lider na si Kim Jong Un kontra sa kanilang kapitbahay na bansa.

Sa mga litratong isinapubliko ng North Korean State Newspaper, makikita ang vehicle-based missile launchers na may dose-dosenang malalaking military trucks na nakahanay sa harapan ni Kim.