IDINEKLARANG wagi sa Presidential Election sa Venezuela si Nicolas Maduro, sa kabila nang paghahanda ng kanyang mga kalaban na tutulan ang resulta ng katatapos lamang na halalan.
Ayon sa National Electoral Council, nakapag-secure si Maduro ng 51 percent ng mga boto, kontra sa 44 percent na nakuha ng opposition candidate na si Edmundo Gonzalez.
Sinasabing ang resulta ay batay sa tally ng 80 percent ng voting stations.
Gayunman, nabahiran ng pagdududa ang resulta dahil ang electoral authority na kontrolado ng maduro loyalist, ay hindi agad inilabas ang official tallies mula sa 15,797 voting centers sa buong bansa.
