Mga residente sa Southern Leyte, pinaiiwas sa mga lugar na tinamaan ng landslides kasunod ng malakas na lindol

PINAYUHAN ng Philippine Institute of Volcanology and Seismology (PHIVOLCS) ang mga residente sa Southern Leyte na iwasan ang anim na lugar sa lalawigan na naapektuhan ng landslides at rockfall dulot ng magnitude 5.8 na lindol.

Sa advisory, sinabi ng PHIVOLCS na mayroong limang earthquake-induced landslides at isang rockfall na nai-dokumento ng kanilang team sa mga bayan ng San Francisco, Liloan, at Pintuyan.