TUMANGGAP ng malaking suporta kamakailan ang mga magsasaka, mangingisda, at maliliit na vendors sa mga munisipalidad ng Hernani at San Policarpo, Eastern Samar, mula sa Department of Labor and Employment (DOLE) sa pamamagitan ng kanilang Integrated Livelihood Program.
Ayon kay Michael Lombendencio, Livelihood Specialist sa DOLE Eastern Samar Field Office, kabuuang 87 beneficiaries sa Hernani ang pinagkalooban ng livelihood assistance na nagkakahalaga ng 1.9 million pesos.
Ang mga benepisyaryo ay kinabibilangan ng mga magsasaka, mangingisda, fish vendors, at self-employed individuals na nag-o-operate ng maliliit na tindahan.
Ang mga proyekto ay mula sa pagbibigay ng fishing engines para sa mga may-ari ng bangka na walang makina hanggang sa pagkakaloob ng retailing packages para sa micro-entrepreneurs.
