Mga boteng na-rekober sa bangka ng China sa West PH Sea, positibo sa cyanide

KINUMPIRMA ng National Security Council na ang mga boteng nakuha ng Philippine Navy mula sa mga bangka ng China sa West Philippine Sea ay nag-positibo sa cyanide.

Ang mga bangkang tinatawag na “Chinese sampan” ay nakitang nag-o-operate malapit sa BRP Sierra Madre sa Ayungin Shoal noong February 2025 at October 24, 2025.

Ayon kay NSC spokesperson Assistant Director General Cornelio Valencia Jr., sa isinagawang laboratory analysis ng Forensic and Scientific Research Service ng NBI, ang mga kulay dilaw na bote na nakuha sa mga bangka ay nagtataglay ng cyanide na highly toxic chemical at delikado sa tao at sa marine ecosystems.

Sinabi ni Valencia na ang paggamit ng cyanide ng bangka galing sa China ay ilegal at banta sa mga tauhan ng Philippine Navy na nasa BRP Sierra Madre.