IGUIN pangunahan ni Calbayog City Mayor Raymund “MonMon” Uy an paghinumdom san kinabuhi ngan ligasiya san nawara nga Senate President Jose D. Avelino, an amay san ciudad san Calbayog, pinaagi san pag-halad san bukad sa monumento ni Avelino yana nga adlaw san Sabado, August 5, 2023.
Kumo Presidente san Senado, importante an naguin papel ni Avelino san kasaysayan san Calbayog. Siya an nag-adbokasiya para maguin ciudad an Calbayog.
Hulyo 15, 1948 guin pirmahan ni President Elpidio Quirino an Republic Act 328 nga nagtitimpo san municipalidad san Oquendo, Calbayog ngan Tinambacan para himuon an pan-19th city sa Pilipinas.
Aton hinumduman an onor ngan importante nga mga kontribusyon ni
Senate President Jose D. Avelino san iya special day, Jose D. Avelino Day.
An iya dedikasyon ngan hingyap in padayon nga nagpoporma san pangilal-an ngan progreso san Calbayog.