NAGSALITA na si Maricel Soriano tungkol sa kanyang health condition na nakaapekto sa kanyang kakayahang maglakad.
Sa kanyang latest Youtube vlog, ibinahagi ng veteran actress na mayroon siyang arthritis sa spine o gulugod.
Sinabi ng diamond star na mula spine ay abot hanggang leeg ang kanyang arthritis, kaya nagpa-injection siya sa likod.
Gayunman, hindi aniya nawala ang sakit kaya ang ginawa ay sa mismong gulugod siya tinurukan ng steroids, at matagal bago ito umepekto kaya iika-ika siyang maglakad at manhid ang kanyang mga paa.
Bukod pa aniya rito ay mayroon siyang pinched nerve.
Inihayag ni Maricel na nais muna niyang i-explore ang ibang klase ng treatment bago ikonsidera na magpa-opera.
