TATLUMPU’T anim ang patay makaraang lumihis at mahulog sa malalim na bangin ang isang luma at overcrowded na bus sa India.
Ayon kay Deepak Rawat, Senior State Government Official, nasa animnapung katao ang lulan ng bus nang mangyari ang aksidente sa Almora District, sa Uttarakhand.
Posibleng tumaas pa umano ang bilang ng mga nasawi dahil pito sa mga pasaherong nasugatan ang nasa kritikal na kalagayan.
Ang India ay isa sa mga bansang may pinakamataas na bilang ng mga nasasawi sa buong mundo dahil sa mga aksidente sa kalsada, na isinisisi sa kawalan ng ingat sa pagmamaneho, hindi magandang kondisyon ng mga kalsada, at lumang mga sasakyan.
