Luncheon meat, beer galing China nakumpiska ng CIDG; 7 kabilang ang 5 Chinese arestado

Arestado ang pitong katao kabilang ang limang Chinese Nationals sa ikinasang operasyon ng Criminal Investigation and Detection Group sa isang warehouse sa Brgy. Marcelo, Parañaque City.

Sa nasabing operasyon nakumpiska ng mga otoridad ang mahigit P1.1 million na halaga ng luncheon meat at beer galing China na hindi rehistrado sa Food and Drug Administration.

Ayon sa CIDG, nadakip sa operasyon ang limang Chinese na nagmamay-ari ng warehouse at ang dalawang Pinay na kanilang empleyado.