SINUSURI na ng mga otoridad ang malalim na butas sa Sales Road, kung may epekto ito sa integridad ng pundasyon ng Skyway, ayon sa Metropolitan Manila Development Authority (MMDA).
Sa press conference, inihayag ni MMDA Chairperson Romando Artes na sa ngayon ay safe ang Skyway.
Aniya, kailangan lamang i-assess ang epekto ng naturang sinkhole, pati na ang lawak ng pinsala nito.
Noong linggo ay nadiskubre ng mga otoridad ang malalim na butas sa Sales Road, malapit sa Villamor Airbase sa Pasay City.
Unang napansin ang butas na may maliliit na bitak dakong ala sais ng umaga, subalit mabilis itong lumaki ng hanggang tatlong metro at may lalim na sampung talampakan.
