‘Love will lead you back’ campaign ng militar, magpapasuko sa mga rebelde ngayong buwan ng pag-ibig

TIWALA ang 802nd Infantry Brigade ng Philippine Army na mas maraming aktibong miyembro ng New People’s Army (NPA) ang susuko ngayong buwan sa pamamagitan ng kanilang “Love will lead you back” campaign.

Ayon kay Brigade Commander, Brig. Gen. Noel Vestuir, sa pamamagitan ng programa ay hihikayatin nila ang NPA members mula sa mga platoon sa Leyte at Samar na makapiling ang kani-kanilang pamilya at mahal sa buhay ngayong buwan ng pag-ibig.

Aniya, layunin ng programa na ipaalala sa mga rebelde na naghihintay ang pag-ibig at kapayapaan sa kanilang tahanan.