Idineklara ng mga opisyal ng pamahalaan na malaya na mula sa Abu Sayyaf Group ang Lamitan City sa Basilan.
Sa seremonya na ginanap sa lungsod, apatnapu’t anim na loose firearms, pati na granada ang boluntaryong isinuko ng mga punong barangay, na simbolo ng katapatan ng komunidad upang mapanatili ang kapayapaan at seguridad.
Sinabi ni Basilan Governor Jim Hataman-Salliman na ang kanilang ipinagdiriwang ay hindi lamang ang pag-alis sa banta, kundi ang presensya ng magandang kinabukasan para sa Lamitan City.
Inihayag naman ni Brigadier General Alvin Luzon, Commander ng 101st Infantry Brigade, na ang sama-samang pagkilos ng local government, security forces, at komunidad ang naging daan para makalaya ang lungsod mula sa rebeldeng grupo.
