Bela Padilla, binatikos si Pangasinan Cong. Mark Cojuangco sa mga komento nito sa mga binaha; Slater Young, pinasaringan

SINOPLA ng filmmaker at aktres na si Bela Padilla ang komento ni Pangasinan 2nd District Rep. Mark Cojuangco tungkol sa mga indibidwal na naninirahan sa mga bahaing lugar.

Una nang nag-react si Cojuangco sa isang post sa X na may video ng mga residente habang lumilikas sa kanilang mga tahanan sa gitna ng pananalasa ng bagyo, at sinabing “bakit kasi sa flood plain gumawa ng tirahan?” Saka nilagyan ng face palm emoji, sabay dagdag ng “takaw sakuna.”

Ipinagtanggol din ng kongresista ang kanyang komento makaraang batikusin siya ng marami, sa pagsasabing tama naman siya, dahil ang choices ay mayroong consequences.

Sinagot naman ito ni Bela, at sinabing hindi naman maaring bigyan agad ng swimming lessons ang isang nalulunod na tao dahil kailangan muna itong masagip.