Kumpanya ng mga Discaya tinanggalan ng registration ng SEC

BINAWI na ng Securities and Exchange Commission ang corporate registrations ng dalawang construction firms na pag-aari ng contractor couple na sina Sarah at Curlee Discaya.

Ayon sa komisyon, inilabas ng SEC Enforcement and Investor Protection Department ang magkahiwalay na resolusyon na nagkakansela sa Certificates of Incorporation ng St. Timothy Construction Corporation at St. Gerrard Construction General Contractor and Development Corporation.

Ang ground para sa pagbawi ng rehistro ng dalawang kumpanya ay ang pagsusumite nila ng “false beneficial ownership information.”