HINDI bababa sa walong indibidwal ang nasawi bunsod ng epekto ng Shear Line sa Davao Region, ayon sa report ng Office of Civil Defense (OCD).
Sinabi ni OCD Region 11 Director Ednar Dayanghirang, na sa mga nasawi, apat ang naitala sa Davao De Oro habang ang mga natitira ay mula sa Davao Oriental.
ALSO READ:
Aniya, walo katao ang namatay bunsod ng landslides.
Halos dalawampunlibong pamilya naman ang naapektuhan ng masamang panahon sa Davao de Oro.
Ilang tulay at kalsada rin sa Davao Region ang napinsala sa gitna ng malakas na buhos ng ulan.
Inihayag ni Dayanghirang na tinatayang 376 million pesos na halaga ng agricultural damage ang nai-record sa Davao de Oro.




