ALL systems go na para sa isasagawang EDSA 40 Rally sa EDSA Shrine na may temang “Tuloy ang Laban sa Korapsyon at Kahirapan! Lahat ng Sangkot Dapat Managot!”
Isasagawa ang pagtitipon mula ala una hanggang alas kwatro sa harap ng EDSA Shrine ngayong Miyerkules.
Ayon sa pahayag ng Taumbayan Ayaw sa Magnanakaw at Abusado Network Alliance, inaasahang aabot sa dalawampu’t limang libong katao ang dadalo sa pagtitipon.
Magmumula sila sa iba’t ibang sektor, kabilang ang mga kabataan, magsasaka, mangingisda, professionals, at mga kinatawan mula sa religious at faith-based communities.
Kabilang naman sa mga magsasalita sa programa si martial law veteran Sister Mary John Mananzan ng Movement Against Tyranny, at sina Representatives Leila de Lima at Antonio Tinio.




