Kamara, inihalal sina Bautista at Loria bilang mga Committee chairperson

NAHALAL bilang Chairperson ng House Committee on Social Services si TRABAHO Party-List Rep. Johanne Bautista, at bilang Chairperson naman ng House Special Committee on Persons with Disability si Albay 2nd District Rep. Carlos Loria sa sesyon ng plenaryo nitong Miyerkules.

Sa kasalukuyan, si Bautista, na siya ring abogado, ay nakapag-akda na ng 112 na panukalang batas, habang si Loria naman ay may akdang 89 na panukalang batas.

Nitong Huwebes, nagpahayag ng pasasalamat si Bautista sa pamunuan ng House of Representatives para sa pagkakataong mas mapalawak at direktang maabot ang mga programa ng pamahalaan sa publiko.

“Ang tungkuling ito ay magsisilbing daan upang mas mapalawak ang ating pagtulong at direktang maiabot ang mga programa ng pamahalaan sa mas marami pang kababayan nating nangangailangan,” ani Bautista.