KINUMPIRMA ni Justice Secretary Jesus Crispin Remulla na maghahain siya ng kanyang aplikasyon sa Judicial and Bar Council (JBC) para sa posisyon ng Ombudsman.
Sa ambush interview, sinabi ni Remula na magsusumite siya ng kanyang aplikasyon, bago o sa Biyernes.
Idinagdag ng kalihim na marami siyang maiaambag kapag nakuha niya ang naturang posisyon.
Batay sa anunsyo ng JBC, ang deadline sa pagsusumite ng online applications ay sa Biyernes, July 4, 4:30 ng hapon.
Magtatapos na kasi ang termino ni Ombudsman Samuel Martires sa July 27.
