Idineklara ni pangulong Ferdinand “Bongbong” Marcos Jr. ang June 17, araw ng Miyerkules bilang regular holiday sa buong bansa dahil sa paggunita sa Islamic Feast of Sacrifice o Eid’l Adha.
Ang Proclamation No. 579, na nagdedeklara ng Eid’l Adha holiday, ay nilagdaan ni Executive Secretary Lucas Bersamin noong Martes.
Inirekomenda ng National Commission on Muslim Filipinos ang deklarasyon ng national holiday, alinsunod sa 1445 Hijrah Islamic lunar calendar.
Isa ang Eid’l Adha sa dalawang importanteng kapistahan sa Islam na pumatak sa ika-sampung araw ng huling buwan ng Islamic calendar.
