Julia Barretto, proud sa kanyang boyfriend na si Gerald Anderson sa pagtulong sa mga biktima ng bagyong Carina

Ibinahagi ni Julia Barretto kung gaano siya ka-proud sa boyfriend na si Gerald Anderson na kamakailan lamang ay nag-viral sa social media dahil sa pagtulong sa pagliligtas sa mga binahang residente nang manalasa bagyong Carina at habagat.

Gayunman, inamin ng aktres na labis siyang nag-alala at ipinagdasal nalang ang kaligtasan ng nobyo na hindi alintana ang panganib na maari nitong sapitin sa gitna ng masamang panahon.

Sinabi pa ni Julia na ang pagkukusa ni Gerald na lumangoy sa baha at tumulong sa mga stranded na pamilya sa paglilikas ay nagpapakita kung gaano kabuti ang puso nito.