ILANG buwan matapos maisapubliko ang kanilang relasyon, naghiwalay na sina Jisoo ng K-Pop Girl Group na Blackpink at South Korean Actor Ahn Bo-Hyun dahil daw sa kanilang “Busy Schedules”.
Makaraang pumutok ang balitang hiwalay na ang dalawa ay kinumpirma naman agad ng label ni Jisoo na YG Entertainment ang naturang break up.
Matatandaang nito lamang agosto nang kumpirmahin ng kani-kanilang agencies ang relasyon ng ex-couple.
Si Jisoo ay nag-debut bilang visual at lead vocalist ng Blackpink noong August 2016, at naging solo artist sa kanyang single album na “Me” noong March 2023.
Nakilala rin siya sa kanyang acting career, sa pagganap sa K-Drama na “Snowdrop” noong 2021.
