Na-discharge na mula sa kanyang South Korean military service ang K-Pop megastar na si Jin ng grupong BTS.
Si Jin ang unang miyembro ng K-Pop group na nakatapos ng mandatory duty, at malaya na niyang maipagpapatuloy ang kanyang musical activities.
Nang lumabas si Jin mula sa gate ng kanyang army base sa Northern Yeoncheon ay sinalubong siya ng kanyang kapwa bandmates na sina J-Hope, V, RM, Jungkook, at Jimin.
Sunod-sunod na pumasok ang pitong miyembro ng pinakasikat na boy band sa buong mundo sa military service na obligadong pagdaanan ng lahat ng kalalakihan na trenta anyos pababa, sa South Korea.
