Jessica Sanchez, tumanggap ng Standing Ovation sa kanyang ‘Die With A Smile’ performance sa ‘America’s Got Talent’

NAGBALIK sa entablado ang siyam na buwang buntis na si Jessica Sanchez at pinabilib ang mga judge at audience ng “America’s Got Talent” Season 20.

Kahapon ay ibinahagi ng Filipino-American singer ang kanyang powerful performance ng “Die With A Smile” nina Bruno Mars at Lady Gaga.

Pagkatapos ng kanyang mahusay na pag-awit ay binigyan siya ng standing ovation at masigabong palakpakan ng mga judge at audience.

Nakapasok si Jessica sa Finals ng “America’s Got Talent” season 20 sa pamamagitan ng public voting.