Maliit na bayan sa Samar, may alok na libreng almusal sa lahat ng mag-aaral sa high school

MAKATATANGGAP ng libreng almusal araw-araw ang lahat ng pitundaan at dalawampung estudyante sa high school sa Matuguinao, Samar habang pagkakalooban ng tanghalian ang mga mag-aaral sa malalayong barangay.

Ayon kay Arlyn Alegria, Head ng Matuguinao Municipal Social Welfare and Development Office, ang programa na tinawag na “Edukain” ay magtatagal hanggang sa katapusan ng School Year.

Aniya, layunin ng programa na himukin ang mga mag-aaral na pumasok sa paaralan, araw-araw.

Sinabi ni Alegria na ang mga benepisyaryo ng almusal ay mga estudyante sa Matuguinao National High School, habang ang karagdagang tanghalian ay para sa mga nakatira sa malalayong barangay.