NAGLABAS ng statement sa pamamagitan ng social media si Jackie Forster tungkol sa paghihiwalay ng kanyang anak na si Kobe Paras at Kyline Alcantara.
Sa halos labinlimang minutong video, kinumpirma ni Jackie na break na sina Kobe at Kyline, kasabay ng pagtatanggol sa kanyang anak mula sa cheating allegations.
Ayon sa dating aktres, noong una ay nais ng kanilang pamilya na manahimik sa gitna ng breakup issue subalit hindi na niya gustong kumalat pa ang mas maraming akusasyon.
Sinabi ni Jackie na January pa lamang ay nagsisimula nang masira ang relasyon nina Kobe at Kyline matapos ang kanilang biyahe sa Amerika.
Aniya, nais ni Kobe na subukang palagpasin nalang ang mga isyu nila subalit nakapagpasya itong iwan si Kyline para sa mga bagay na “unforgivable.”
Sinagot din ni Jackie ang isyu sa paggamit ni Kobe sa sasakyan ni Kyline, sa pagsasabing pinahiram ito ng aktres dahil ginagawa ang sasakyan ng kanyang anak.
Idinagdag pa niya na marami ang nagbabala sa kanya tungkol kay Kyline at pinagsisisihan niya kung bakit hindi siya nakinig.
