ISA ang Hong Kong-born martial arts actor na si Jackie Chan bilang torchbearers patungong opening ceremony ng Paralympics sa Paris.
Inanunsyo ng organizing committee na ang 70-year-old actor, na kilala sa kanyang stunts at acrobatic fight scenes, ang magdadala ng torch sa Miyerkules sa Paris, ilang oras bago ang pagbubukas ng seremonya.
Bahagi rin ng torch relay ang french actress na si Elsa Zylberstein, at dancer/choreographer na si Benjamin Millepied. Ang flame na sinindihan noong Sabado sa Stoke Mandeville, sa United Kingdom, na historic birthplace ng paralympic games, ay dumating sa France sa pamamagitan ng channel tunnel kahapon, bitbit ni wheelchair fencing medalist Emmanuelle Assman.
