ILANG miyembro ng Kingdom of Jesus Christ (KOJC) ang naghain ng reklamo matapos umano’y magtamo ng injuries bunsod ng police operation sa Davao City para maisilbi ang warrant of arrest laban sa kanilang leader na si Pastor Apollo Quiboloy.
Isa-isa umanong nagtungo ang mga nasugatang KOJC members sa police station sa Davao City Police Office para magsampa ng reklamo.
Labing anim na miyembro, kabilang ang apat na menor de edad ang sinaktan umano ng mga awtoridad, kahapon, nang isilbi ang arrest warrant laban kay Quiboloy at mga co-accused nito sa KOJC Compound sa Barangay Buhangin.
Samantala, tiniyak naman ni PNP Regional Office 11 (PRO 11) Regional Director, Police Brig. Gen. Nicolas Torre III na nirerespeto at haharapin nila ang reklamo.
