ISASARADO ang ilang bahagi ng Mindanao Avenue sa Quezon City hanggang sa 2028 upang bigyang daan ang konstruksyon ng Tandang Sora Station ng Metro Manila Subway Project.
Hanggang noong nakaraang taon ay umabot na ang underground drilling ng northbound track sa Quirino Highway Station.
Ayon sa Department of Transportation (DOTR), dalawampung porsyento pa lamang na kumpleto ang konstruksyon at inaasahang magiging fully operational ang proyekto pagsapit ng 2029.
Tiniyak naman ni DOTR Secretary Jaime Bautista na hindi maaapektuhan ng budget cut ang big-ticket infrastructure items ng gobyerno.
