Ika-3 impeachment complaint, isinampa laban kay VP Sara

INIHAIN ng religious groups, mga pari at abogado ang ikatlong impeachment complaint laban kay Vice President Sara Duterte.

Dahil ito sa umano’y betrayal of public trust, graft and corruption, at iba pa, kaugnay ng sinasabing maling paggamit ng 612 million pesos na halaga ng confidential funds.

Ayon kay Atty. Amando Virgil Ligutan, counsel ng complainants, ang kanilang reklamo ay batay sa findings ng House Committee on Good Government and Public Accountability sa paggamit ng confidential fund ng Office of the Vice President at ng Department of Education sa ilalim ni Duterte.

Kasama rin ang assassination threat ng bise presidente laban kay Pangulong Ferdinand Marcos Jr., at ang akusasyon ng isang Ramil Madriaga na nag-uugnay kay Duterte sa drug money.