Pilipinas, nanawagang mabigyan non-permanent seat sa UN Security Council

Umaapela ng suporta ang Pilipinas para sa non-permanent seat sa United Nations Security Council (UNSC).

Sa kanyang talumpati sa United Nations General Assembly, humihiling ng pwesto para sa Pilipinas si Foreign Affairs Secretary Enrique Manalo sa UNSC para sa 2027 hanggang sa 2028 na termino, kasabay ng pagtukoy sa kasaysayan ng bansa sa United Nations.

Sinabi ni Manalo na bilang unang republika sa asya at founding member ng UN, ang mahusay na pakikitungo ng Pilipinas ay alinsunod sa itinataguyod na kapayapaan, pagkakapantay-pantay ng soberanya ng bawat estado, mga karapatan at dignidad ng lahat ng tao.