Idineklarang Net Worth ni Pangulong Marcos, nasa 389 million pesos at 1.375 billion pesos; VP Sara, may Net Worth na 88.5 million pesos

IDINEKLARA ni Pangulong Ferdinand Marcos Jr. ang kanyang Net Worth na mahigit 389 million pesos, ayon sa kanyang Statement of Assets, Liabilities, and Net Worth (SALN), as of Dec. 31, 2024.

Isinumite rin ang pangulo sa kanyang SALN ang appraisal ng isang private firm na Cuervo Appraisers Inc., na nakalagay sa kanyang Net Worth sa 1.375 billion pesos.

Nakasaad sa deklarasyon ni Pangulong Marcos na ang 389.357 million pesos ay batay sa rules ng Civil Service Commission (CSC) sa paghahain ng SALNs, habang ang 1.375 billion pesos ay base sa value na in-appraise ng Cuervo.

Sa kanyang deklarasyon batay sa CSC Rules, kabilang sa assets ni Marcos ang 142.026 million pesos na halaga ng dalawampu’t isang real estate property, kabilang ang agricultural at residential lands, at personal pieces of property na nagkakahalaga ng 247.332 million pesos.